கிராம சபைகளில் நிறைவேற்றப்பட்ட தீர்மானங்களுக்கு ஏதிராக மதுக்கடைகளை திறக்கக்கூடாது என்று சென்னை உயர்நீதிமன்றம் அதிரடி தடை விதித்துள்ளது.

கடந்த ஏப்ரல் 1-ஆம் தேதி முதல் தேசிய, மாநில நெடுஞ்சாலைகளில் செயல்பட்டு வந்த டாஸ்மாக் கடைகளை மூட வேண்டும் என்று உச்ச நீதிமன்றம் உத்தரவிட்டது. இதனைத் தொடர்ந்து ஏப்ரல் மாதம் நெடுஞ்சாலைகளில் செயல்பட்டு வந்த டாஸ்மாக் மதுபானக் கடைகளை வேறு இடங்களுக்கு மாற்றும் நடவடிக்கைகளில் டாஸ்மாக் நிர்வாகம் ஈடுபட்டு வருகிறது.

கடந்த மே 1-ம் தேதி நடைப்பெற்ற கிராம சபை கூட்டம் தமிழகமெங்கும் நடைப்பெற்றது. இந்த கூட்டத்தில் தங்களது பகுதியில் டாஸ்மார் மதுக்கடைகள் திறக்ககூடாது என தமிழகத்திலுள்ள பெரும்பாலான மாவட்டங்களிலுள்ள கிராம ஊராட்சியிகளில் தீர்மானம் நிறைவேற்றப்பட்டது.

தமிழகத்தில் திருவண்ணாமலை, சேலம், கரூர், அரியலூர் உள்ளிட்ட பகுதிகளில் உள்ள மதுபானக் கடைகளைத் திறக்க எதிர்ப்பு தெரிவித்து 10-க்கும் மேற்பட்ட வழக்குகள் தொடரப்பட்டன. இந்த வழக்குகள் நீதிபதகள் கிருபாகரன், பார்த்திபன் ஆகியோர் முன்பு இன்று விசாரணைக்கு வந்தது.

இதுகுறித்து நீதிபதிகள் கூறும்போது, “கிராம சபைகளில் நிறைவேற்றப்பட்ட தீர்மானங்களுக்கு ஏதிராக மதுக்கடைகளை திறக்கக்கூடாது .மேலும் டாஸ்மாக் கடைகளுக்கு எதிராக அமைதி வழியில் போராட்டத்தில் ஈடுபடும் பொதுமக்கள் மீது, எந்தவித தாக்குதலிலும் காவல்துறை ஈடுபடக்கூடாது ” என்று உத்தரவிட்டனர்.